وضع الانتظار
تالت حاجة لازم تعملها
علشان تخليه يخاف إنه يخسرك، هي إنك تحطه في وضع انتظار.
يعني لما يكون طالب منك حاجة كل ما خليته يستني أكتر على الحاجة دي، كل ما الحاجة دي احلوت أكتر في عينيه
يعني مثلا:
لو قال لك: (أنا عايزك تتصل بيا)
المفروض يكون ردك عليه:
(أوك.. هتصل بيك بكره أو هتصل بيك بالليل، أو بعد يومين)
أتأكد إنه هيستنى مكالمتك، وكل ما خليته ينتظر أكتر مكالمتك، فمكالمتك بالنسباله هتكون حاجة ممتعة جدا.
ليه؟
(لأنه استناها)
يقول لك: عايز أقابلك
قل له: (أوك.. خلينا الأسبوع الجاي)
أو قل له هشوف أموري وأرد عليك
الانتظار دا هيخليه يحس بالمتعة معاك.. على عكس لو كنت بتنفذ له كل حاجة يطلبها منك في لحظتها..
لأن كل ما زاد انتظاره، كل ما هتلاقيه بيدي قيمة أكتر للشيء اللي أنت بتقدمهوله.. افتكر دا دايما.
الثبات على الكلمة
رابع حاجة لازم تعملها علشان تخليه يخاف إنه يخسرك
هي إنك تبين للشخص دا إن كلمتك واحدة وما بترجعش في كلامك ودي حاجة مهمة جداً..
بمعنى إنك لو قلت له إنك هتتصل بيه بعد يومين، اتصل بيه بعد يومين بالظبط.
قلت له إنك هتتصل بيه الساعة خمسة، يبقى لازم تتصل بيه الساعة خمسة.
لو أديت له كلمة واتهربت منه، فهو يعتبر إن أنت مالكش كلمة، إن أنت متردد، هيعتبر إن أنت مبتاخدش أي قرار في حياتك، ودي مش حلوة أبداً في حقك لأنه هيبدأ هنا يشيل من دماغه خالص فكرة إن أنت عندك شخصية قوية، وإحنا عايزين الشخص دا يحترمك، لأنه كل ما احترمك كل ما خاف من إنه يخسرك.
المقارنة
وفي حاجة مهمة جداً لو الشخص اللي معاك عملها، حاول إن أنت تتجاهله أو متتعاملش معاه أو تختفي عنه
(الحاجة دي هي إنك تلاقيه بيقارنك بحد تاني)
لما يقولك ليه مبتعملش زي فلان
ليه ما بتعمليش زي فلانة
على طول لما يقولك الجملة دي، تجاهله، ما تردش عليه، طنشه
ولما يقولك، مبتردش عليا ليه، ليه مبتكلمنيش، كنت فين قوله جملة واحدة وبس.
(أنا ما بتقارنش بحد)
مهم جداً إنك تاخد منه موقف لما يقارنك بحد تاني
لأنك لو سبت الباب ده مفتوح فمش هيتقفل أبداً، وهتلاقيه طول الوقت بيحاول إنه يقارنك بغيرك ودا معناه إنه بيقلل منك وما بيحترمش شخصيتك، وكلما أثبت له إن عندك شخصية مستقلة، هيتأكد إنك الشخص المناسب ليه لأنه يقدر يعتمد عليك في كل حاجة.
الاحترام أمام الأخرين
بس في حاجة هنا مهمة جداً
أوعى تعامل الشخص اللي معاك بطريقة مش كويسة قدام الناس لو عمل حاجة أزعجتك أو ضايقتك
حاول تخلي رد فعلك دايما يكون بينك وبينه، لكن قدام الناس خلي تعاملك معاه عادي جدا، أوعى تقلل منه قدام الناس وده هيخليه يخاف جداً من إنه يخسرك.
فلو قللت من أي حد قدام الناس سواء قدام صحابه، عيلته فحتى لو كان الشخص دا بيحبك فبرده هيبقى عايز يبعد عنك، لأنه هيحس إنك أذيت كرامته، قللت منه.. لكن تقدر تعمل اللي أنت عايزه بينك وبينه، أما قدام الناس فحاول إن أنت تحترمه، ودي حاجة مهمة جداً لأنها هتزود رصيدك عنده، بمعنى إنه هيديلك قيمة أكتر وهيعتبر إن أنت شخص ناضج.. ودي أكتر حاجة ما بيمتلكهاش أغلب الناس: النضج
لا تكثر من الأسئلة
وبصراحة عايز أقولك على سر مهم جداً في أي علاقة
مش عايزك أبداً تتحول لشخص مزعج وممل بأنك تجري دايما ورا الطرف الثاني.. علشان كده هديلك قاعدة حاول إن أنت تمشي عليها.
بلاش تسأل الشخص اللي معاك أكتر من 3 أسئلة في اليوم
بمعنى إن الشخص اللي أنت معاه لو سألته
كنت فين، عملت إيه النهاردة، قابلت الشخص الفلاني؟
فلحد هنا أنت سألته 3 أسئلة.. حاول إن أنت ما تضيفش أي سؤال تاني على مدار ال 24 ساعة، ودا هيخليك دايما متوازن معاه ومش هتتحول لشخص مزعج أو بتجري دايما وراه ومش هيحس أبداً إنك بتشك فيه أو بتزعجه وهيحس إنك فاهم إزاي تتعامل معاه.
المراقبة أثناء المشكلة
وأهم نقطة عايزك تفهمها
إنك لما تكون في علاقة مع شخص ويحصل مشكلة بينك وبين الشخص دا وبدأ يبعد عنك، فتأكد إن الشخص دا بيراقبك.
أتأكد إنه لما يبعد عنك، بيبص وراه علشان يشوف ردة فعلك.. بمعنى إنك هتلاقيه بيراقبك على السوشيال ميديا أو بيراقبك من بعيد، بيراقب نظراتك تحركاتك، كلماتك، يا ترى هترجع تكلمه تاني ولا لأ.
وبمجرد ما تتحرك ناحيته وتتصل بيه هتلاقيه بعد عنك ليه؟ علشان تتحرك أكتر وتبذل مجهود أكتر.
كل اللي أنا عايزك تعمله، إنك لما تلاقي الشخص اللي معاك بيبعد، خليك مكانك، متعملش أي ردة فعل وهنا هتلاقي الأمور رجعت لمكانها الصحيح
التعليقات
للتعليق يجب عليك تسجيل الدخول اولا